Priscila Retamozo Ramos
Co-fundadora | Responsable de proxectos formativos
Nada en Arxentina, resido desde os dez anos en Galicia, onde realicei os meus estudos en Ciencias Políticas e que continuei en Málaga co máster en Igualdade e Xénero. Desde eses anos estou embarcada na coordinación do proxecto coeducativo “Comando Igualdade” sobre o que coescribín dous libros («Comando Igualdade» e «La revolución feminista en las aulas») xunto á referente Chis Oliveira. Son tamén coautora, xunto a ela e Amada Traba, do libro «Las trampas de la pornografía» (Catarata, 2025). O meu activismo levoume a ser a directora de contidos e presentadora do programa «Histérikas Histórikas» (2021-2024), que recibiu o premio Youtubeiras Revelación en 2022.
Conto cunha recoñecida e consolidada traxectoria en igualdade e xénero que comezou en ONU Mujeres Ecuador, onde fun asistente técnica da área de Erradicación da Violencia contra as Mulleres durante preto dun ano. Alí traballei de forma interdisciplinar en vinculación coas áreas de cambio climático e comunicación.
Desde fai anos imparto relatorios e formacións en transversalización da perspectiva de xénero, políticas públicas, teoría feminista, violencias virtuais, coeducación, prevención da violencia machista, entre outras, dirixidas a infancia, adolescencia e persoas adultas. Encárgome do deseño, impartición e avaliación de itinerarios formativos. Xestiono proxectos para empresas, organizacións e entidades públicas a quen asesoro no deseño e cumprimento dos seus protocolos de prevención do acoso e plans de igualdade.
Pola miña traxectoria fun galardoada en 2022 co Premio Emilia Pardo Bazán no País das Rías na categoría de Feminismo.
- Enfermería e perspectiva de xénero | Docencia universitaria sobre a aplicación práctica do enfoque de xénero na práctica asistencial | 2024 – 2026 | Escola de Enfermaría de Pontevedra
- Fundamentos sobre a igualdade entre mulleres e homes | Formación especializada para o funcionariado público estatal | 2024 | INAP, Ministerio para la Transformación Digital y de la Función Pública
- Curso de Educación nas Relacións Afectivo-Sexuais | Formación permanente do profesorado | 2024 | CFR de Pontevedra, Consellería de Educación
- Artellando na rede: Comunicación social e feminista | Obradoiros sobre redes sociais, ciberseguridade, violencias machistas virtuais e ciberactivismo | 2023 | Concello da Coruña / Pacto de Estado
- Canteira da Igualdade | Coordinación e impartición do programa de capacitación e liderado xuvenil | 2021 – 2023 | Escola de Igualdade María Vinyals, Deputación de Pontevedra
- Cursos de Teoría Feminista | Programas de formación presencial e virtual sobre historia, conceptos e marcos de análise feminista | 2021 – 2024 | Concello de Vigo e Concello de Tui
- Construíndo igualdade de xénero (Formación de formadoras) | Capacitación técnica interna ao equipo profesional de intervención social en saúde mental | 2021 | Asociación Xaruma
- Máis coidados, menos patriarcado | Obradoiro de empoderamento, análise de roles e socialización diferencial con enfoque interseccional | 2021 | Asociación Xaruma
- Asesoría técnica e capacitación a empresas | Formación na elaboración e implementación de Plans de Igualdade, fenda salarial e protocolos contra o acoso laboral e sexual | 2021 | Confederación Empresarial de Pontevedra – CEP
- Non deixemos que o futuro nos leve ao pasado | Conferencia sobre a manosfera, ciberdelincuencia e violencias machistas dixitais | 2026 | Deputación da Coruña / MUNCYT
- Hackeando ao machismo | Relatorios e obradoiros de intervención directa coa mocidade para desarticular discursos machistas nas redes | 2025 – 2026 | Deputación de Lugo e XXII Foro de FEMURO
- Violencias machistas na era dixital | Conferencia académica nas Conversas Políticas da Facultade de Ciencias Políticas e Sociais | 2025 | Universidade de Santiago de Compostela
- Previr a violencia machista contra a reacción patriarcal | Foro aberto de debate e formación | 2025 | Rede de Mulleres Veciñais Contra os Malos Tratos / Universidade de Vigo
- 30 anos de Beijing | Condución da mesa de debate sobre o 30º aniversario da IV Conferencia Mundial sobre a Muller xunto a referentes históricas | 2025 | Ateneo Atlántico / Resposta Feminista
- Moderación do V Foro Empresarial Pola Igualdade «Mulleres que transforman» | Condución do espazo dedicado ao talento feminino na creatividade | 2025 | Confederación Empresarial de Pontevedra
- A mocidade ante a violencia | Mesa experta sobre contornas virtuais, hipermediación pornográfica e discursos de odio | 2024 | Consello da Cultura Galega (Pazo de Raxoi, Santiago)
- Educación Sexual Integral (ESI) e prevención do ASI | Relatorio especializado no III Foro Xuntos contra os abusos | 2024 | Xunta de Galicia
- Comando Igualdad, feminismo en las aulas | Relatorio marco no I Congreso de Prevención de la Violencia de Género | 2023 | Instituto Asturiano de la Mujer, Xixón
- Hechos, no palabras. Coeducar para transformar
| Relatorio nas Xornadas «Educación con enfoque de derechos humanos» | 2023 | Universidad de La Rioja - A violencia que habita na sexualidade | Conferencia-coloquio sobre pornografía, prostitución e violencia estrutural | 2021 | Ateneo Atlántico