Se todo é feminista nada é feminista
Se todo é feminista nada é feminista foi o título do faladoiro que moderamos en Santiago de Compostela o 5 de outubro de 2024. O feminismo non é só unha teoría; tamén é unha práctica viva que se activa cada vez que nos xuntamos para conversar, dubidar ou reformular o aprendido. Desde Prisma Igualdade cremos nos espazos onde o coñecemento se constrúe colectivamente, a partir de preguntas incómodas, vivencias compartidas e olladas diversas. Por iso, cando nos convidaron a participar en Mover os marcos, soubemos que era unha oportunidade para seguir ensanchando os límites do pensamento crítico desde unha perspectiva feminista.
Quen o organizou?
A xornada foi promovida pola Deputación da Coruña, en colaboración co Concello de Santiago e xestionada por Culturactiva S. Coop. Galega. Celebráronse unha trintena de espazos de diálogo arredor de temas como a saúde mental, as ruralidades, a literatura ou a tecnoloxía.
Que fixemos?
Facilitamos o faladoiro Se todo é feminista nada é feminista, un espazo de reflexión colectiva pensado para favorecer o diálogo coa cidadanía a través de metodoloxías participativas. Os temas xurdiron de forma espontánea entre as persoas asistentes e abordaron cuestións como o activismo feminista, as resistencias sociais, a hipersexualización das mozas ou a invisibilización das mulleres no ámbito da mediciña. A conversa desenvolveuse nun ambiente seguro, horizontal e dinámico.
Que levamos connosco?
Para Prisma Igualdade, facilitar este tipo de encontros reforza o noso compromiso cunha pedagoxía feminista crítica, accesible e viva. Espazos coma este non só permiten xerar pensamento colectivo, senón tamén fortalecer redes entre xeracións, experiencias e territorios diversos. Porque cando nos damos tempo para conversar, reflexionar e dubidar en compañía, o feminismo faise máis claro, máis potente e, sobre todo, máis transformador.
Queres saber máis sobre como traballamos desde Prisma?
Visita a nosa área de servizos ou escríbenos con cualquera pregunta. Estaremos encantadas de escoitarte!